Hindi kita gusto
Pero nakita ko sa'yo ang mga katangiang hinahanap ko.  (Edi wow!)
Ayoko nang ganito
Magkaibigan tayo.

Nakakainis!
Pwede bang umalis?
Hindi mo rin naman ako ma-mmiss.
Hindi rin naman ikaw ang aking nais.
(At hindi rin naman ako ang iyong ninanais...)

Ayoko nang ganito
Hindi talaga kita gusto
Pero gusto ko ang pagkatao mo.
Kailangan ko na nga atang lumayo.

Ipinanalangin ko na ito noon
Matapos mong lumitaw sa panaginip ko...
Nang maka-ilang beses.
Errr... Nakaka-stress!!!

Bakit ikaw?
Bakit hindi na lang siya?
Pwede bang ilipat ang mga katangian mo sa kanya?
Hahahahahahahaha.

Ayoko na.
Bakiiit???
Wag naman.
Eeehhhhh...
Talaga ba?
Gersh!!!
Kainis!
Ano ba???
Bakiiit???




Okay. Kalooban ng Diyos ang masunod at hindi ang sa akin.

Unti-unti, dahan-dahan
Nahuhulog ako nang hindi ko nalalaman.
Sino bang nagtatanggal ng harang?

Ayoko rito.
Ayoko talaga.
Waaaaahhhh....

Unti-unti, dahan-dahan
Hindi ko man lang namalayan.
Pwede bang 'wag na lang?

Hindi ko sigurado kung anong babagsakan.
Natatakot na akong muling masaktan.
Makabubuti kayang umalis sa lang?

Unti-unti, dahan-dahan
Ano nga kayang patutunguhan?

Payong

Masaya ako noong dumating ka,

Dahil nagkaroon ako ng kasama.

Umulan man o umaraw ay nariyan ka,

Karamay sa lungkot at ligaya.

Marami na tayong lugar napuntahan,

Sa kagubatan, kabundukan at kung saan-saan.

Marami na rin tayong napagdaanan,

Palagi mo akong dinadamayan.

Ngunit nang nagising ako isang umaga,

Hindi na kita nakita.

Ipinagtanong ko kung nasaan ka,

Araw-gabi'y hinahanap kita.

Bakit mo ako iniwan

Noong malakas ang buhos ng ulan?

Akala ko'y magtatagal ang ating samahan?

Hindi ba kita lubos na napahalagahan?

Nasaan ka na?

Hinahanap pa rin kita.

Nahihirapan ako 'pag wala ka.

Sana ay bumalik ka na.

(image source: https://wallpaperscraft.com/wallpaper/umbrella_rain_drops_54299)

Kwentuhan

Ilang beses kong tinangkang magkwento sa'yo
Pero laging mas mahaba ang mga sasabihin mo.
Ayos lang naman.  Gusto rin kitang pakinggan.
Kaya nga ako nakikipagkamustahan.

Tenga'y pinagana, pinatigil ang dila.
Inantay ko ang pagkakataon na ako'y makapagsalita.
Pero naubos na ang oras ng kwentuhan
At tayo'y muling panandaliang nagpaalam.

Hahahaha.

Ganito siguro ang pakiramdam ng taong lagi kong kakwentuhan
Kapag may hindi naipahayag na pakiramdam.
Ganun talaga!  Pana-panahon lang 'yan.
Minsan nakikinig, minsan pinapakinggan.

:)

Masaya akong nakakabalita tungkol sa'yo
'Wag ka sanang magsawang sa akin ay magkwento
Handang makinig ang mga tenga ko.
Magsabi ka lang, tatahimik ako.

;)

Nahihirapan ako
Paano ba?
Haaay...