For A Friend

Dear Friend,
Kumusta ka na? Marami akong gustong ikwento sa'yo pero pakiramdam ko hindi ka na interesado. Matagal na rin ang huli nating kwentuhan. Gusto ko sanang ma-update sa buhay mo pero napaka-general answers ng mga sagot mo sa "kumusta?" ko. Nasasanay na rin ako sa mga "ahhh ok" mo sa mga kwento ko. Immune na sa "I don't care starter pack" na kahit hindi mo sabihin ay pinaparamdam mo.

Parang kailan lang nung sobrang close natin sa isa't isa. We shared each other's secrets...tas bigla na lang.

Honestly, naguluhan ako. Hindi ko naintindihan kung bakit pero pinilit kong intindihin. Grabe ka, without a warning talaga o insensitive lang ako sa warning?

Ang labo mo! Pero hindi naman pwedeng magreklamo kasi "friend" nga lang, di ba?  Pero kasi "friend" nga, eh, di ba? Sana sinabihan mo man lang. Grabe ka po...

May mga articles on how to cope up with break-ups sa relationship pero hindi ko alam kung meron ba sa breaking up with a friend.  Ang sakit po! Pero wala akong nagawa. Hindi ko rin alam kung dapat bang mag-move on na lang. (Mind you, hindi lang sa relationship as bf/gf nag-mmove on ang isang tao kundi sa lahat ng klase ng relasyon. Alam mo naman un, di ba?

Dapat ba may closure din pag friends lang? Seriously, tanong ko 'yan. Kasi baka naman oo. Kasi nag-invest ka rin ng maraming time, energy at emotions. May love din dun lalo na 'pag close friends talaga.

Haaay... Nanghihinayang ako sa friendship natin. Na-mmiss na kita pero nakakapagod din ang "I don't care starter pack" mo. Oo, starter palagi kasi kahit sinabi kong sanay na ako, nasasaktan pa rin ako. Hindi ka siguro aware, 'no? O aware ka...pero "so what?"

Mahal ko ang mga kaibigan ko kaya hindi kita i-eerase sa friend list sa puso ko. You are loved...always. I will still be your friend...silently praying for you.

I hope we could catch-up.

or kung ayaw mo na akong maging friend,

I hope we could talk about this.

Baka kasi may nagawa pala akong hindi ako aware...o baka hindi ka rin aware sa ganitong pakiramdam ko.

Always here,

your friend