Bagahe'y unti-unting gumagaan.
Dalahi'y unti-unting nababawasan.
Salamat sa pagsalo sa panahon ng kapaguran.
Salamat sa pagtulong kahit na ikaw ri'y nabibigatan.
Salamat sa pagdamay sa lumbay.
Salamat sa pakikinig nang walang humpay.
Presenya mo't payo ay nakatulong nang tunay.
Antay lang, makakamit ko rin ang tagumpay.
Salamat sa pinahiram na sandalan.
Salamat sa pag-intindi sa'king mga kahinaan.
Salamat sa pagbibigay ng kalakasan.
Salamat sa hindi paglisan.
Di ko alam kung gaano pa kalayo ang lakbaying ito
Pero alam kong makakarating ako.
Sa tulong ng Diyos at presensya ninyo
Mabubuhat ko rin ang bag ko.
Magpapalakas lang ako...
Tapos hindi na ako magpapabigat.
No comments:
Post a Comment